Манай аймгийн хувьд газар нутаг багатай учир ан агнах, мод хууль бусаар тээвэрлэх зөрчил, гэмт хэрэг тэгтлээ их гараад байдаггүй. Харин хөрш зэргэлдээх Булган аймгийн хувьд Хангайн бүсийн өргөн уудам байгалийн өвөрмөц тогтоц бүхий нутаг дэвсгэртэй. Үүнтэй холбоотойгоор хууль бусаар ан агнах цуваа хөвөрдөг гэж болох юм.

Иймээс ойролцоох бусад орон нутгуудтай энэ төрлийн гэмт хэргийг бууруулахын тулд Булган аймгаас санаачлан "Хангайн бүсийн Байгаль орчны эсрэг гэмт хэргийг бууруулах тухай зөвлөгөөн”-ийг Эрдэнэт үйлдвэрийн дэргэдэх Сэлэнгэ амралтын баазад зохион байгуулах гэж байна. Эрүүгийн хуулийн тусгай ангид заасан байгаль хамгаалах гэмт хэргүүд харьцангуй ихээр бүртгэгддэг тус аймгийн хувьд одоогийн байдлаар хууль бус ан агнуурын 2 хэрэг илрэн шалгагдаж байгаа. Булган аймгийн Тэшиг сумын нутаг дэвсгэрт зөвшөөрөлгүй хууль бусаар тул загас агнасан, Сэлэнгэ сумын нутаг дэвсгэрт буга агнасан гэх хэргүүд орж байгаа бөгөөд мөрдөн байцаалтын ажил явагдаж байгаа юм байна.

Үүнээс гадна зохих зөвшөөрөлгүйгээр ойгооос мод бэлтгэх гэх мэт ан амьтан ,байгаль хамгааллын эсрэг гэмт хэргүүдийг илрүүлэн шалгаж байгаа гэхээр энэ төрлийн байгаль орчны эсрэг гэмт хэргийн эсрэг урьдчилан сэргийлэх арга хэмжээг зайлшгүй авах шаардлага гарч байгаа юм. Хууль бусаар ан агнах, мод бэлтгэх гэмт хэргийн эсрэг арга хэмжээг урьдчилсан байдлаар цагдаагийн газраас авдаг ч нутаг дэвсгэр их, тал хээр хэсэг дийлэнхийг эзэлдэг учир хэн, хаана ямар ан хийж явааг тааж мэднэ гэдэг хэцүү байх нь мэдээж.

Иймээс энэ төрлийн гэмт хэргээс сэргийлэхэд иргэдийн оролцоо мэдээлэл чухал байдаг байна. Булган аймгийн цагдаагийн газраас үүнтэй холбоотойгоор 10 сарын 16-ны өдөр манай аймгийн Сэлэнгэ амралтын баазад Бүсийн хэмжээнд байгаль хамгаалах журмын эсрэг гэмт хэргээс урьдчилан сэргийлэх, энэ төрлийн гэмт хэрэгтэй тэмцэхэд анхаарах асуудал сэдэвт зөвлөгөөнийг зохион байгуулахаар бэлтгэл ажлаа хангаж байна. Уг зөвлөгөөнд Булган, Орхон, Архангай, Өвөрхайнгай аймгаас оролцох бөгөөд урьдчилсан байдлаар өөр бусад төлөөллүүдийг оролцуулаад 250 гаруй хүн оролцоно гэсэн тооцоо гарчээ.