Баянбулаг багт баригдах 150 хүүхдийн цэцэрлэг 2015
оны 8-р сарын 1-нд ашиглалтанд орох юм. Тус цэцэрлэгийн барилгын ажлыг
"Хялганат нуга” ХХК гүйцэтгэх бөгөөд улсын төсвөөс 1 тэрбум 77 сая
төгрөгийг зарцуулж байгаа.
Тус
цэцэрлэгийг сүүлийн үеийн тоног төхөөрөмж бүхий орчин үеийн барилга
болно гэдгийг гүйцэтгэгч компани хэлж байна. Баянбулаг багийн хувьд 936
өрхийн 3600 орчим хүн амтай бөгөөд цэцэрлэгийн насны 600 орчим хүүхэд
байдаг байна. Эдгээр хүүхдүүдийн 150 орчим нь тухайн багийн цэцэрлэгт
хамрагдаж бусад нь өөр багийн цэцэрлэгт явдаг.
Одоогоор
тус багийн 150 орчим хүүхэд цэцэрлэгт хамрагдаж чадаагүй байгаа аж.
Баянбулаг баг нь ганцхан цэцэрлэгтэй бөгөөд өнгөрсөн жилийн энэ үед 18-р
цэцэрлэгт өргөтгөл хийж 100 хүүхэд нэмж авах боломжтой болж байсан юм.
Энэ онд манай аймгийн хэмжээнд 400 орчим хүүхдийн цэцэрлэг шинээр
ашиглалтанд орсон. 2014-2015 оны хичээлийн жилд 1000 орчим хүүхэд
цэцэрлэгт хамрагдаж чадаагүй байгаа юм.