Гэмт хэргээс урьдчилан сэргийлэхийн тулд шат шатны байгуулагад олон ажил хийгдэж байна. Харин Гэмт хэргээс урьдчилан сэргийлэх зөвлөлЦагдаагийн газар, Байгаль орчны газар болон Баянцагаан багуудын өнгөрсөн сард хийсэн ажилтай танилцлаа. Цагдаагийн газраас  гэмт хэргийн гаралт 41,5 хувиар буурсан таатай мэдээлэл өгсөн. Гэмт хэргийн гаралт буурсан болон, илрүүлэлт сайжирсан нь камерийн хяналтын систем суурьлуулсантай холбоотой юм. "Цагдаагийн газрын хувьд 24 цагийн хяналтын жижүүр камерийн хяналтын оператор ажилуулж , гарсан хэрэг зөрчлийг цаг алдалгүй шүүж, илрүүлж байгаа" гэж Цагдаагийн газрын дэд дарга Ж.Батхүү хэллээ. 

Харин байгаль орчны газраас өнгөрсөн жилд гэмт хэргээс урьдчилан сэргийлэх талаар нийлээдгүй ажлыг хийсэн байна. Байгаль орчны тухай нийт 18 багц хууль байдгаас байгаль хамгаалагчдад хамааралтай 4 хууль байдаг. "Орхон аймгийн хэмжээнд ажилладаг идэвхтэн 12 байгаль хамгаалагчийн хувьд энэ 4-н хуулийн хүрээнд гарсан хэрэг зөрчлийг шийдвэрлэдэг” талаар Байгаль орчны газрын дарга Х. Машбат ярьсан юм. Өнгөрсөн жилд байгаль орчны газраас иргэдэд мэдээлэл олгох чиглэлээр сургалт сурталчилгааны ажил голлон явуулсан. Сургалтын хүрээнд "Мэдээлэл-таны оюуны өмч”, "Ус-ухаалаг хэрэглээ”  нээллтэй хаалганы өдөрлөгүүдийг зохион байгуулсан байна. Өдөрлөгт 18 төрлийн 2000 гаруй гарын авлагыг 5000 иргэдэд танилцуулсан юм.  Мөн ой хээрийн гал түймэрээс урьдчилан сэргийлэхийн тулд 5 самбар тусгай цэгүүдэд байрлуулсан. Гэмт хэргээс урьдчилан сэргийлэхийн тулд эдгээр ажлуудыг хйисэн бол гэмт хэрэг илрүүлтийн хувьд нийт 15 гаруй сая төгрөгийг орон нутгийн төсөвт хуримтлуулсан байна. Үүний дотор ашигт малтмалын тухай хууль зөрчсөн 8 зөрчил, агнахыг хориглосон ан тээвэрлэсэн 3-н тохиолдол, зөвшөөрөлгүй мод тээвэрлэсэн 3-н хэрэг зэргийг илрүүлэн торгуулийн арга хэмжээ авсан байна.

 Гэмт хэргээс урьдчилан сэргийлэх зөвлөл нийт багуудаас төлөөлөл болгон хамгийн том нутаг дэвсгэртэй баг болох Баянцагаан багийг сонгожээ. Баянцагаан багийн өнгөрсөн сард гэмт хэргээс урьдчилан сэргийлэх тал дээр ямар ажил хийснийг сонирхлоо. Багийн хэсгийн байцаагч, цагдаа, эрхзүйн хөтөчтэй хамтран урд жилүүдэд гарч байсан  гэмт хэргүүдэд дүгнэлт хийж, гэмт хэрэг гарах гол шалтгаан юу байгааг тогтоон цаашид авч хэрэгжүүлэх ажлын төлөвлөгөө гаргасан байна. Гэмт хэрэг их гардаг Баянцагаан багийн гэрэлтүүлэг байхгүй газруудыг  нэг бүрчлэн судалж, Орхон аймгийн ИТХ-т санал хүргүүлсэн байна. Үүний дагуу 2014 онд гэрэлтүүлгийн ажил  бүрэн хийгдсэн. Гэмт хэрэг гарах үндсэн шалтгаан нь ажилгүйдэл байна гэдгийг тооцоолж  ажилгүй болон архичин иргэдэд сургалт зохион байгуулж, НХҮХ-тэй хамтран ажиллаж байгаа юм байна.

Энэ удаагийн гэмт хэргээс урьдчилан сэргийлэх зөвлөлийн хурлаар дээрх 3-н байгуулагын хийсэн ажилтай танилцлаа. Тэдгээрийг төлөвлөсөн ажлаа цаг хугацааны дагуу чанартай хийх үүргийг зөвлөлийн дарга аймгийн ИТХ-н дарга Б.Мягмарсүрэн өглөө.