гэдэг 40-45 насны хоёр эмэгтэй энэ мэт аргаар нийтдээ 12 сая төгрөг залилсан байжээ.
Эрдэнэт үйлдвэрт ажилд орохын тулд их хэмжээний хахууль өгдөг нь бичигдээгүй хууль болж залилагчид үүнийг нь ашигладаг болсон гэнэ. Энэ хэрэгт хууль бус үйлдэлд мөнгө өгсөн хохирогч нар ч буруутай аж.
Хохирогч Б.Эрдэнэтуяа нь "2014 оны 10 дугаар сарын 30-ны өдөр манай нөхрийн эгч Э тсаар яриад манай найзын нэг дүү нь ГОК-д Белазын засварчинаар ажилд орох гэж байгаад гадаад руу явах болсон байна. Тэрний оронд хүн ажилд оруулах боломж байна.
Ажилд оруулахад эхний ээлжинд 2 сая төгрөг хэрэг болно гэсэн, би Солонгосд ажилладаг нөхрөө оруулахаар. хүнээс мөнгө зээлээд Э эгчийн дансанд шилжүүлсэн. Манай нөхрийн бичиг, баримт хэрэгтэй гэхээр нь 2-3 хоногийн дараа Б гэж эмэгтэйд өгсөн, дараа нь дахин 2 саяыг шилүүлсэн” гэжээ. Хохирогч Л.Сандэлгэр нь ”Манай эхнэртэй Б яриад манай дүү Болор-Эрдэнэ ГОК-д белазын ээлжийн дарга хийдэг. Нэг ажилтан нь архи уугаад халагдсан гэнэ. Манайх дүүгээ оруулах гэсэн чинь гадаад явах болоод энэ орон тоон дээр хүн оруулах хэрэгтэй байна, 3 сая төгрөг хэрэгтэй гэсэн. Би хадам ээжээс 2 саяыг 6 сарын хугацаатай зээлээд 2015 оны 2-р сарын 23-ны өдөр гэрт нь аваачиж өгсөн. Мөнгө аваад 14 хоног хүлээ гэсэн. Тэгээд бүтэхгүй гэсэн” гэжээ.
Хохирогч Ч.Амарбаясгалан нь "2015 оны 1-р сарын 13-ны өдөр Товуу, Баатар нар над руу яриад хүрээд ир гэхээр нь яваад очсон чинь Б гэрт нь сууж байсан. манай дүү Болор-Эрдэнэ авто тээврийн байгууллагад ээлжийн дарга хийдэг. Хүний нөөцийн дарга Батдэлгэрийг таньдаг гэж хэлээд үйлдвэрийн бүх дарга нарын нэрийг хэлээд байсан болохоор итгээд 3 саяыг өгсөн, Батдэлгэр дарга "Дээдэс”-т байна гээд гадаа нь очоод ганцаараа ороод хэсэг байж байгаад гарч ирээд нэлээн согтуу байна өөрөө ярьж байгаад авья гэж байна гээд гэрт очиж 23 цаг хүртэл хүлээж байгаад явсан.
Маргааш нь Гендрекц дээр очиж өрөөний үүдэнд ирээд намайг ганцаараа ороод ир гэж байна гээд орсон. Хэсэг байж байгаад гарч ирээд 2 сарын 10-ны өдөр тушаал чинь гарна гэж хэлсэн. Гэтэл энэ бүгд нь худлаа байсан” гэжээ.
Хохирогч Н.Ичинсүх нь "...2015 оны 1-р сарын сүүлчээр утсаар яриад манай хамаатны дүү ГОК-д ажилд орох гэж байгаад Швед явах болоод орон тоо гарсан гэхээр нь би баз хүргэнээ ажилд оруулья гээд бичиг баримтыг нь 2.8 саяын Б-д өгөөд Гендрекц руу оруулсан. 30-40 минутын дараа гарч ирээд 3. бичиг баримтыг чинь өгчихлөө. Мэргэжлийн үнэмлэх хэрэгтэй байна цээж зургийг нь 250 мянган төгрөгтэй өгчих гэхээр нь өгсөн. Тэгээд ажил нь худлаа болоод ирэхээр нь мөнгөө нэхсэн” гэжээ.
