Сайхан амьдралыг цогцлоохын тулд мөнгө хэрэгтэй. Тиймээс ч хүн бүр сайхан амьдрахын тулд мөнгөний төлөө өдөр шөнөгүй, борви бохис хийлгүй хөдөлмөрлөдөг. Үүнээс үүдэн мөнгө дуудах олон арга бий болсон. Тухайлбал, хослон ургасан самар эд баялгийн бэлгэдэл болдог, хавирган саранд мөнгөө харуулах, нүхтэй зоосон мөнгө буюу нугалж тахийлгасан зоосыг халаасандаа хийж явах,  сүм хийд рүү явбал баруун хөлийнхөө өсгий дор зоосон мөнгө хийх, түрийвчээ хоослохгүй байх зэрэг маш олон мөнгө дууддаг аргууд байдаг.

Мөн Улс оронд ч өөр өөрийн гэсэн мөнгө дуудах заншилтай. Тухайлбал, оросууд баяжихын тулд маш энгийн зан үйлийг хийдэг байна. Тэд пүрэв гаригт нүүр гараа угаахдаа алтан буюу мөнгөн сав суулганд ус хийж угаадаг. Энэ нь мөнгө дуудах тун үр дүнтэй арга гэж үздэг ажээ.

Хэрэв эдгээр аргууд нь биелдэг байсан бол ядуу хүн гэж байхгүй байсан биз. Гэхдээ хэлсэн бүх зөгнөл нь биелдэг зөнч Ванга мөнгө хэрхэн дуудах шившлэгийг гаргасан байна.

Түүний шившлэгийг сар томорч, арвижих үед хийдэг аж.  Тус шившлэгийг хийхэд хонины арьс эсвэл ноос хэрэг болдог байна. Бэлдсэн хонины арьс, ноосондоо "Хонь-хоньхон минь арьс үстэйгээ хорвоо дэлхийгээр явж байсан билээ. Дулаахан, баян тансаг арьс тань манай гэрт өөрөө хүрч ирэн надад халуун дулаан, эд баялаг авч ирлээ. Орон гэр минь алт мөнгө, эд баялгаар дүүрэх болтугай! Орон гэр минь баян цатгалан, элбэг дэлбэг байг. Бүгдэд сайн сайхнаа гайхуулаг, бүхэнд гайхуулаг. Миний үг бат бөх, биелэх болтугай!” гэсэн шившлэгийг бусдад дуулдахаар чанга хэлж шившдэг аж.

Шившлэгийг хийснийхээ дараа шившсэн арьсаа хэнд ч олдохооргүй газарт нуух хэрэгтэй юм. Тус шившлэгтэй арьсыг тухайн байрлалд нь бүтэн жилийн турш байлгах аж. Жилийн дараа өөр шинэ арьс олж ахин шившлэгээ хийх маягаар жил бүр шинэчлэх ажээ.

Түүний энэхүү шившлэгийг хэрэгжүүлээд мөнгөтэй болсон хүн ч цөөнгүй гэнэ шүү. Гэхдээ хэчнээн шившлэг хийгээд нэмэргүй гэдгийг санах хэрэгтэй. Шившлэг, мөнгө дуудах арга бол таны мөнгө олоход чинь багахан хүч л болох төдий. Тиймээс хөдөлмөрлөж үр шимийг нь хүртэх хэрэгтэй гэдгийг санаарай.